شام پئی
دونہہ سَمیاں دے گھر گھر سِنگ پھسے
میرے موڈھیاں تے کاں اُگ آئے:
چُنجاں ہَونکنیاں
کھمب تربھکنے
اَڈِیاں وچ اکھیاں
مَتھے منکے تسبی دے مَن مِیٹَر نال مِلائے
شام گئی
کاں گئے
سانولیاں دو بانہیں دو میلوں اُسریاں
اک شور انوکھا
جیہدے سینے چُپ پہاڑ جیہی
رات سمندر چڑھیا
سمندر توں ہیں
سمندر میں ہاں
رات سمندر رَسیا
چند اُجلّیا
ہر پاسے سانول کِھنڈ رہی
چند ویکھے
سمندر ویکھے
چند کون' سمندر کون اے