گاون (وِیرو پھُلیرن تے ساتھناں)

رُت مجِیٹھی1 آئی نی سیؤ

رُت مجِیٹھی آئی،

وگی پُرے دی واء

کُسمبھڑ ویس جھڑے

ڈب کھڑَبّے ہو،

ڈال ڈال ہُل2 ست3 گُلالی ہولی آن کِھڈائی نی سیؤ

رُت مجِیٹھی آئی،

دھاون پئے وِچ پرِیت سروور

پَتر پَتر دے نَین،

سانجھ سنجان دی اُلَس4 اَلَستی

وِچ رگ رگ جُھمرائی نی سیؤ

رُت مجِیٹھی آئی

1- مجِیٹھی= پکے لال رنگ دی-2- ہُل= سُگندھی واء دا بُلا-3- ست= 1) سچ، 2) سکت، طاقت (سچ= 1) جو ہے، 2) دان)-4- اُلس= تبرک (کِسے آدری ہستی دی چھوہی کھاون جوگ شے جیہڑی اوہدی ہوند دا نشان کر کے ونڈیندی اے)