” نِکل چلے او کِتلے؟ “
” آہو، کیوں کوئی کم اے
تے دسو
اوہ کر آونے آں “
”میں آکھنا سی
اج آپا چھڈ جاؤ ساڈے کول “
” ہَیں، کیہڑی؟
میں تے کِسے آپا نُوں نال نہیں پیا کھڑدا
میں تے آپے تُہاڈے دی گل پیا کرناں “
” اپنے تن نالوں
آپا کیویں وکھرا کرا کے تُہانُوں پھڑائیے
چُلھ اپنی وِچ ہور سیاپا ڈاہیئے “
”تن وِچ تے ہوئی نا جِند،
آپا تُہاڈی مَیں دے اندر بدّھا پیا اے
اوہ وی ادّھا “
”تے ادّھا کتھائیں ٹُر گیا اے “
”اوہ میں چِتھ چب
تھاں تھاں ہگدی آئی اے “
” کیہ کرئیے ول “
” بس ایہو
جو کُجھ وی ہے کول تُساڈے
مال مِلکھ توڑے عِلم ہُنڈر
توڑے مجُوری مجبُوری
کُھل کے کُل نال رل ویسی
پِرم پَرم دی ٹوہ وِچ ڈھل ویسی “