”تُھڑاں تِھڑاں
بُھل تے ڈھیر گئیاں ہوسن
جیہڑیاں چیتے نیں
ڈبے وِچ بھر دھریاں ہویاں نیں
جاچ بھال مُڑ دھر دینے آں
چِت وِچ پھیرا پا اوہ اپنا آپا وٹا کے باہر آوندی اے
یا جاگ چِت وِچ آئی گئی نُوں لاوندی اے
ایہہ سہی کرن دا ول نہیں سانوں آوندا“
”ول تے سُکھالا اے“
”اوہ کیویں؟“
ڈبے تِھڑاں دے کھول کے
رل سبھ سنگ دے ساہویں کرئیے
پتہ لگے ایہہ کلّے کلّے جی دِیاں نہیں
دِتیاں وار دِیاں
وار سانجھ دی رُت پرتاوے
تُھڑاں تِھڑاں دے اندر دبِیجا
سگھ سکت دا اُدم میلہ لاوے