اس نہ گُنگے نہ بولے

اس نہ گُنگے نہ بولے،

بھاویں گُنگُناؤ

کن سُنیندے نیں چائیں چائیں،

بُل بول سُرِیندے1 نیں،

سَندر2 سارے تھیندے نیں سنگی

کر پیر نیں طبل سارنگی،

ہولِیاں ساڈیاں راتاں نیں

ساجھل3 گھات سُغاتاں 4 نیں،

اساں رل ترنگل5 دینہہ ہولے6

1- سُرِیندے: سُر کریندے- 2- سَندر: ہتھیار، اَوزار (کار دا وسیلہ)- 3- ساجھل: سہج، قدرت دی دِتی برابری، اِکائی- 4- سُغات: تحفہ- 5- ترنگل: ترنگ والے/والیاں (ترنگ: لہر، موج)- اِکدوجے تے رنگ سٹ کے ویہاری پوچے پھیر دا تروڑ کرن- 6- ہولے: جمع ہولا (ہولی توں اگلا دِن)-