ویکھو نا جی
ہور اسمانوں لہنے نیں تارے؟
کیڈے سُچجے لنگھ برُوہاں گھر گھر گئے ونجارے
ٹھہرے گھڑیاں چار کِتے چھی،
سُوت سِیت گھر والے سُتے
ٹَلّ بانگاں دے پہرے،
اُٹھدیاں سار سویرے کنِیں خبر پئی
اِٹ اِٹ ہوئی سَودا بولی بول گئی،
ویکھو نا جی اشتہار اخبار آئے دِن
رہندی عُمر ہن سیر سپاٹ کچہر کُٹہرے جی جی دا،
چِھک سِک چیت اچیتیں دعوا،
ایہو محلہ ووٹ وزیراں
ڈاک پتہ ایہو سَنت فقیراں،
وٹہ سٹہ ہے مُلکو مُلکی
ویکھو نا جی
خاباں شالامار پُھہارے
کیہڑے خزانے ہور بہنا نیں پَھن لِکھا سرکارے؟