وسے جُگو جُگ ایہدے کنارے
چاڑھے بُرج منار چُبارے
بھرے بُھکانے تمبو تانے
پئی آکھے ایہہ لنگھدی کولوں
نہیں میاں جی ایہہ پانی
راوی دا تے نہیں،
ونڈے مکھانے چھہارے
جناح کیپ تے اچکن کسّی
چاڑھے غُلافے داتا دے دربارے،
کر تقریراں پھیری مدھانی
نہیں میاں جی
ایہہ پانی راوی دا تے نہیں،
کندھی ایہدی تے جُھگیاں پوائیاں
سُرک سُرک مزدوری چُکائیاں
پی آپھرے آپھر مُوترے،
موڑ مُونہہ آکھے
جیہڑے فوارے اوہا غرارے
نہیں میاں جی ایہہ پانی راوی دا تے نہیں
تُساں لکھ واریں جاؤ اشتہارے