نَیئیں دیاں کنڈھیاں تے اُگیاں
کانِیاں اَنتر
رس پانی دا سَردا آیا
مَس وِچ ڈوبا لایا
تے رس وِچ رچ گیا
پگھّر برفاں دا
اُچان ڈھلان پہاڑاں دی
پراں پتراں دی تاری
لِکھت مَس دی
تھئی چَس کاری
لیکھک انگلاں اندر نِرتی
مَس دی ترنگ
کُجھ لِکھیاراں مانی
لِکھتاں خلق دا لیکھا بنیاں
ورھیاں مَناں تے مدھ دیاں کنیاں
بہوں لِکھیاراں اوپری کر چھانی
انگلاں دی رت اگ ہو بھڑکی
اُبل نَونہاں چوں کھِلری چوالے مَلّ دی مانگ