”لؤ جی آنڈے آ گئے جے“
”مہنگے ہو گئے سن
تاں نہیں آئے
جاں کُکڑِیاں دیون چھڈ گئیاں ہوئیاں سن،
ذرا پِچھانہہ ای رکھو ایہناں سوالاں نُوں
پہلوں گِنو نا ایہناں نُوں
سُنن بولن دے تکن چھکن دے
ہیٹھلا اگّا پِچھا جھاڑ کے ویہنی ڈولھن دے
ایہہ بھانڈے آ گئے جے،
ست اپر نیں
دو نیں ہیٹھاں،
دسواں دُھنیوں سردا
متھیوں اندر لہہ گیا ہویا اے،
انت ہے اوہدا
جاتی سنجاتی نَوواں دی نُوں ارتھل کرن
دسم سُگندھ سواہر دھرن