بکواس اے ساری

‘‘بکواس اے ساری’’

‘‘راس کر دیو’’

‘‘ویہل نہیں سانوں’’

‘‘پڑھدے کیوں پئے او’’

‘‘کیہ کرئیے’’

‘‘کُوڑے دان نوں دان کرو’’

‘‘کم چھڈ جائیے؟’’

‘‘کیہڑا’’

‘‘تیرے جیہاں نوں پڑھ کے لِیرو لِیر کرِیدائے

نویں مسالے لا کے

کَچھ کڑاہ کمپیوٹر وِچ تلوا کے

نگٹ بنائیدے نیں

پَیکنگ لیٹسٹ

گھر گھر اوہ وکوائیدے نیں –’’

‘‘دفع ہو گیائے بھائی جی

کیہ بکواس لِکھی سو؟’’

‘‘اِکو گل دوہرائی آیائے’’

‘‘کیہڑی’’

‘‘اوہو، بھن کے اِکو جیہا کرن دی سبھ نوں 

زمانہ بدل دین دی

کر کر جیہڑی سُدائی ہوئے

بندے بنا کے اساں سینکڑے

شو کیساں وِچ لائے نیں’’