''بھائیا وے سانوں جاچ نہیوں''
''لؤ، میں تے سِکھن تہاتھوں آیاں''
''سوچ لے
متاں گواچ ای جاویں''
''گواچیا نہ ہوندا
کیوں آوندا تہاڈے کول''
''ونج مُڑ،
دَم کر اپنا ڈول
وٹ کُل آس جہانی لج لمکائی آ،
بھُنجے بھر بھر وِیٹ
مُکدی جاسی مِیٹ
لُکائی کول آکھلسی
دیویں اوہنوں واری
آپوں لُک جاویں''
''سچی پچُھو تے ہُن گواچاں،
آن کَھلی اے ساہویں لُکائی
آکھ دِتائے میں
ہُن ہے تیری وار،
پِھر ویکھناں، لُکن دی جا نہیں کائی،
آن اوہنوں دسیائے
ہس آہندی اے پاون گواون جو ہویا ہِکا''
''آہو بھائیا
پُگ مِیٹ دوئے جیویں –''