ویکھن نوں پتر نیں بُرج منارے
وِچ پر ماڑی کوٹ چُبارے کوئی نہیں
مندر مسیت نہ گِرج دوارے،
پتر سانجھ نیں واء پانی تے دُھپ دُھوڑ دی
پتر وتر تروور دا نیں، پتر نیں چھوہ سروور دی
پتر بولی نیں جیہڑی سہج وِسار کے اوبھڑ کیتی
بندیاں دی میل بندی نے،
اوس بولی وِچ لِکھ لِکھ لِکھتاں
دھرت چ دھر دھر کڈھدے
نوِیوں نویں کریندے پڑھت نیں،
نِت نویلے انحد1 گیت سُنیندے نیں
-1 انحد= انہت= اوہ سُر جو بِنا کِسے شے نُوں چھیڑیاں سدا توں پیا وجدا اے (قُدرت دی واج)-