گل تے ٹھیک اے
پَوند نِکلدے پنجے ای نیں
بِسمِلیاں بِسمِلیاں چُوچے کُکڑی دے
نَونہاں توں گنجے،
ذرا ذرا جیہے نَونہہ بن جِیبھاں سَونہہ کھاندے نیں:
کُھرچ کُھرچ کے میل پُرانی اساں تے لاہنی
اگوں سمجھو اساں ہاں پانی،
اکھ جھمکدیاں
پانی وِچوں تُرت چُھرے اُگ پَوندے نیں،
جِیبھاں ربڑ دِیاں گولڑیاں
بولدِیاں نیں کِنج برُودی بولڑِیاں،
موٹی اے جاں گل برِیک اے
بھُگت لؤ اجو ای
پَینی اگوں جیہڑی ترِیک اے