تھن ٹُٹ کون نیں، کن ٹُٹ کون
پچُھ ایہہ ہے چِرکالی،
دھرت دسیندی آئی اے دوئے ہِک نیں،
مَل مارن دی بھُکھ دوہاں نوں،
مَل مارن سار ہارن ہے
سُگھ نہیں نیں،
پھوگ تِھیون دے دُکھ نوں
سُکھ کر ویچن دوہاں دا آہر ہویا،
دھرت دسیندی آئی اے:
'تن مینڈے وچ سُرجن عِشق اُگایا اکّھر
جیہناں جیہناں سُن گایا
کن ٹُٹیاں اوہ کنّاں والے ڈھانے نیں،
واء پانی دے میل رسایا سِیر مینڈا
جِتھ پُج رِسیا
تھن ٹُٹیاں اوہ تھن تھانے جمع کرانے نیں