کیہڑا شیر ہے کُرسی جیہڑا نہیں بہایا جا سکدا
پاڑ کھاوے جو ٹِکٹ بھر آئی جنی کھنی نوں
دَھر موڈھے وت ہنٹر مٹکے
دُھر اسمانوں چھال مار کے موت دے کُھوہ نوں گیڑ وگایا جا سکدائے
بُھل بُھلے نوں کر بندُوکڑ
دِل دا گھوڑا دُوروں دبایا جا سکدائے
جوڑ کے جُمّے جنج کمپیوٹر
بُوہے بُوہے تیل چُوایا جا سکدائے
پیسہ پیسہ ٹھیل صندوکڑ
سُکی راوی کاراں دا دریا وگایا جا سکدائے
کیہڑا شہر ہے دِلیں وسایا
پَل وِچ کھولا نہیں کرایا جا سکدا