بنیرے کوٹھی دے
سُکنے قلین پیائے
ہیٹھوں چڑھدی ول داکھ دی دب گھتی اے
جَھڑ ہا
کہ خبرے پا کے بُھل گئے نیں اگلے
پندھری1 لگ گئی اے
اج سُکیائے قلین سویرے تے اندر وِچھن گیائے
ول2 مدھولی نکلی اے تھلیؤں
لگراں جَھوں گیاں نیں
پتر نیلے ہو کے سڑکے3 پے گئے نیں
نماشیں ہیٹھوں لنگھنی آں بوہکر دیندی میں
تے اُپر تکنی آں
چھلّے ساوے ول دے بنیرا ٹپن پئے
بال انموڑ اگِنتے
1۔ پندھری: پندراں دِناں دی جھڑی- 2۔ ول: ویل- 3۔ سڑکے: سڑک تے-