جو ہوئیاں نہ ہوئیاں
آہیاں کَوناں اوہ کوئیاں،
نہ اوہ سگوِیاں نہ ای وِگوِیاں
نہ تھمیاں نہ ڈِگوِیاں،
نہ کُھلیاں نہ پھسیاں نہ ہسیاں نہ روئیاں،
نہ لج بوکے رسّی جھروکے
نہ تھن ماجھے نہ تھن گوکے
کِسے نہ چُنگھیاں چوئیاں،
نہ انگ لوئیاں نہ چِٹ چدراں
نہ وِچ ہانڈی ڈوئیاں،
جو ہوئے نہ ہوئے
کیہڑے کِس کُھوہ جوئے،
نہ جو اوہا نہ جو ہورس1
نہ اوہ سکندر نہ اوہ پورس،
کُھل پھاتے نہ ہسّے روئے
نہ مردانے نہ ای جنانے
نہ ٹِبّے نہ ٹوئے،
ایہہ ان ہوئیاں ایہہ ان ہوئے
سُن مَن کُن ویاہے
نہ ای ویہار نوں اج نیں وارے
نہ ای کَدائیں آہے
1- ہورس= ہور-