اسمان دی ٹاکی
سو لوکاں بھانے لتھی ٹاکی تھانیں زمین تے آئی اے
پر سچی پُچھو تے تھُڑ دی جائی تُھڑ دی جاونہار جے
ایہو اندر ایہدا ایہو باہر جے
آکھن وچ تے نار ہوئی
سو نر سمجھدائے میں گھر اپنے پائی اے
پر سچی پُچھو تاں گھر وی ایہدا پایا اے
تے نر وی ایہدا سایا اے،
اساں بات مَل دی پا کے آپم بُجھائی اے
سچی پُچھو تے ڈرنے آں
بات بُجھن وی مل بن جاندا اے
بُجھن والیاں پاون والیاں اندر تُھڑ جگاندا اے
جائی: جمی- جاونہار: جمن والی (ماں)-