اُپر تنی محراب ہزاراں ورھیاں دی

اُپر تنی محراب ہزاراں ورھیاں دی

سِر نِوا جیہدے ہیٹھوں لنگھ لنگھ

جاونیاں ہاں پُوجن ہور محراباں،

اج عجب ہوئی،

انگلاں ہو سِدھیاں بول پئیاں:

ویکھو نی لُوں لُوں ہویا رُوں

تلی اساڈا دِیوا لال،

اساں پُونیاں ہوئیاں لاٹاں،

تپاء محراباں نُوں

گھتِنیاں پئیاں اندر ایہناں دے راباں 1

لگّا ٹُل2 تے بل سواہ ہو ایہناں تھلّے آونا اے

بھانڈا ''میں'' دا ساتھوں آ منجوا

کراونا اے ہَر ہَر دا

1- گُلّی ڈنڈا کھیڈ وچ گُلّی دھرن لئی کڈھیا نِکا جیہا ٹویا-

2- گُلّی نُوں ڈنڈے دی سَٹ-