پَربتیاں تُساں ہِکّاں اُدھیڑیاں
کُکھاں کھدیڑیاں
ڈکیاں جھلاراں امرتیاں
لدّ ٹرکِّیں سانوں مدانے لاہیا
سڑک وچھایا جے
رگڑ متھے ساڈے پئے لہائیاں چڑھدے او
سودے ویچدے عہدے لیندے
چِکڑ کُونڈے ونڈ پڑھائیاں پڑھدے او
کیویں سیانو اساں ہاں ساراں
رِزم رزم ساڈا جُگ جُگ واراں
ریت کلاوہ ساڈا سمندر نینہہ بھوگیندا
ترُبکے ترُبکے چَھلّ اُتھلّ جگیندا اے
مَل بَھل دھرت نویں نِت اساں کرینی اے
ست فصل تے تت دی لائی1
ہتّھ ہتّھ دھر دینی اے
1- لائی= 1) واڈھی کرن دی مزدوری، 2) بِیجی-