دُکھ حاضر ہے سائیں
گھڑیاں پلاں وچ ولیا واریاں ورھیاں دا،
ایہہ دُکھ بُھکھ دا ناہیں
چَس جیہی آہی تک وچ سِک گولن دی
وِس چوں رَس رولن دی
بُھکھ نے نین رِجھائے
ٹھیل بُھلائے آہر دی ریلے،
دُکھ حاضر ہے پوکھوں رُٹھا مناون لئی،
اوکھے منیندے نیں توڑے رُٹھے
نہیں دسیندے کیالوڑنیدے نیں ہتھوں چھڈیا،
اپنا سُکھ پھولو
متاں منکھ اوہا مِل ونجے دَب3 دَس اولھ وساہیا،
سانجھی جیل مُکاون لئی
دُکھ حاضر ہے
بولو