باہر بُوہے اُچے کُھلے رکھائے مالکاں
لنگھن ہاتھی گھوڑے توپاں،
اندر نِیویں سَوڑے
آکڑیا جاں لنگھے تاں نِیواں ہو جاوے
چَوڑا ہووے سَوڑا،
بُوہے ایہہ اندر باہرلے
پچُھے کوئی تاں کن سن وِچ دسیندے نیں:
کُھل باندھ نہیں اساں رکھائی
نہ گھڑوائی چُوڑ سَوڑ
اوہ بُوہے نیں چِت اچیت وِچ،
بُوہے کیہ نیں سچّے1 ای آکھو،
کُنجِیاں اوہناں دِیاں گُچھیاں وِچ نیں
لَکّ مالکاں بدّھے،
ہُن بھنّ کھول ای نِکلے تے خلقت نِکلے
1- سچّے= سانچے-