ویلا اپنے آپ تے نہیوں آوندا
وے دِیپُو
ٹور لیاؤنا پَوندا ای،
چائی بھار وَرانا جُگو جُگ آئے او،
بھر منڈیاں
کَس رگ رسیاں
دھن منڈپ تنائی آئے او ہِین مناں تے،
آ گیا جے ہُن ''لاہ سِروں بھوئیں مار''1 دا وارا
دِیویو نام دِیو
دُکھ تیل ہُن سرنا اے سُرتِیل پُونی
دھری پرِیتی پوٹیاں جیہڑی وٹ واتیں
لِوَ لاٹ نُوں چُسکن ہوٹھ ہنیر دے
1-
بُلھا ایہہ بجُھارت بجُھیں
لاہ سِروں بھوئیں مار
ماٹی قدم کریندی یار
(کافی بُلھے شاہ)