''باہر واء پئی ہُلدی اے
کیوں اندر وِچ گُم سُم ہوئی بیٹھے او''
''دھیان دھراون گُم سُم ہوون نہیں ہوندا''
''جو ہوندائے اوہ باہر وی ہو ای سکدا اے''
''ہوا خراب تھئی اے اجکل''
''کیوں؟''
''اندر گُھل گئی اے دُوج دی مَیل اوہدے
رُکھاں نُوں گلوَکڑ جاں پَتر چُمیندی اے
اوہا چھکویندی اے اوہناں نُوں وی''
''اوسے ای ویلے تے رُکھ پتر اوہنوں
دے بھگت1 دا دان
نوِیں کریندے نیں
ساہویں ہو پل تُسیں وی دھیان دا دان دھرو''
1- بھگت= اَنّ، کھاجا-