بات چِیت

‘‘جان شان بنا میاں کھارا

شامِیں جِم شِم آیا کر’’

‘‘مال مالی اے جان دا بھائی جی

ایہہ چڑھیا اوہ بَن گئی

ناواں دیندائے ناں جمیندائے

اوہنے اکو ایہدے نال مُکائی اے

ہفتے چ اٹھ دن لایا کر’’

‘‘اسیں ہارے بھئی میاں کھارا

نماز دا آکھو تاں ویہل نہیں

جِم دا آکھو تاں ویہل نہیں’’

‘‘اسیں سارے ای ہارے بھائی جی

چَٹ وی ایہدِی پَٹ وی ایہدِی

کِتے مالی اے کِتے مولوی

ایویں جگ تے نہیں جے آیا

لوٹا تسبی نال لیایائے

جس گھر وڑدائے نال ای آہندائے

میرا مُصلّا ڈاہی رکھو

اُتوں پُواؤ دوہریاں جپھیاں

وِچو وِچ اَڑائی رکھّو

میرے باجھ کیہ حج جیون دا نہ دعوا نہ لارا

میں نہ ہوواں سبھ رَل ونجن کیہ لُنڈی کِیہ بُچّی

اکو بھانڈا پئیِاں لبیڑن وچے جُوٹھی سُچّی

 میں ای آں جِس صدقہ ہر نوں آپو اپنی پئی’’

‘‘بات چِیت دا انٹر نیشنل ڈیلر ہویوں

تیرے وارے کون آوے میاں کھارا’’