لگ لگ منِیاں
ڈھیر تندُوروں نِکلدِیاں آئیاں
گئیاں ونڈیندیاں نالو نال ای،
اِک پتلی پتنگ
پئی پئی ہیٹھ ہوراں دے
سُک گئی
کِسے نہ چاتی
واج اوہدی دبّے دبیلے ویلے اندروں آئی
میں مِٹی نُوں مِل مُڑ ہوساں مِٹی
پی جَل اَمَل وت اُگساں
پُنگر پَسر ورھیساں ورکھا اَن ورھی
جیہنے مِلکھ مسالہ دھو رِزماں نُوں
کرنا اے وت سَتِیال
اُگ اُگ ہانِیاں میریاں
سہجل جنگل وسا دینا اے بھوئیں نُوں مُڑ اُدھار