ڈھیر بھال پرتال تھئی ہُن تائیں
ماتا راج دے اَیر نہیں کِتے لبھے،
ٹاوِیں ٹاوِیں ہے ٹابری کِتے کوئی
پِیڑھی ماں ولوں ٹُری جاپدی اے
اَیپر حاکمی اوتھے وی پِتا دی جے،
اس آہنیاں منّیا ایہا ای ہے وار ہُن تائیں
جِتھے کِتے وی صدر وزیر کائی جنی ہو بہندی
کرنی اوہدی وی نار دی نہیں رہندی
اس آہنیاں ہاں
راج کاج دی سانوں تے تانگھ نہیں جے
ماں دھی ہووے
پیو پُت ہووے
نہ کوء مَلّ ڈُھونڈے نہ کوء سَلّھ ڈُھونڈے
اساں جُون تاں اوہ وٹاونی ہے