ساہمنے سڑک دے دُوجے پاسے
محل دِناں وِچ آن کھلوتا اے
مَتھے دو بتیاں جَڑیاں گئیاں نیں،
پُھل نیں سمجھو
چھے چھے پتیاں دونہاں دِیاں
اِک پتی لاٹ
اِک پتی پرچھاواں
یا پَیلاں نیں موراں دیاں،
مائی خورشیداں لنگھدی پئی اے
ہانڈی روٹی کردی اے ساڈے،
آکھیا میں خورشَیداں
پُھل ویکھے نی کِھڑے متھے تے
سر مار کے آہندی اے ''اکھیاں نیں چوراں دِیاں''
''کُھلیاں وی نیں تے بند وی نیں'' میں ہسناں
''پُلس جو نال ہوئی''، آکھ اگیرے ٹُر گئی اے