میرے ہلن نہیں ماریا
ماریا جیہڑیاں چھتاں سِرے چڑھائیاں نیں
میں تے ہلدی رہنی آں
آپ دھمالے سُرج دوالے
دُھروں پئی گِڑ گِڑ کہنی آں
وِچ بے انتے جوڑ نیں میں دے
جوڑاں وِچ تروڑ نیں
ترٹدیاں رہن بنن ہے بنیاں رہن ترٹن
جیون مرن میرے وِچ ہوندیاں
نال میرے تُساں وَسے کوئی نہ
ہِکا اگ ہے میرے اندر سُرجن والی
جَیں خدائی پالی
کچ دا پَک کراون کارن
آپو آپنیاں گھر گھر تساں دُھکھائیاں نیں
میرے ہِلن نہیں ماریا
ماریا جی جی دوالے جیہڑیاں پکیاں تُساں ولائیاں نیں