کیہڑا ٹھیک اے

‘‘کیہڑا ٹھیک اے

جیہڑا مارُو اوہا ای دارُو

کہ جیہڑا دارُو اوہا ای مارُو؟’’

‘‘دونویں،’’

‘‘جیہڑا پِھٹ اے اوہا ہِٹ

پِھٹ کہ فِٹ؟’’

‘‘دونویں،’’

‘‘جیہڑا ڈوبُو اوہا ای تارُو

کہ جیہڑا تارُو اوہا ڈوبُو؟’’

‘‘دونویں،’’

‘‘جیہڑا ہَولا اوہا بھارُو

کہ جیہڑا بھارُو اوہا ہَولا؟’’

‘‘دونویں،’’

‘‘جیہڑا سِکّا سوئی وکاوے

کہ جیہڑا وکاوے سوئی سِکّا؟’’

‘‘دونویں،’’

‘‘جیہڑا وڈا سوئی نِکّا

کہ جیہڑا نِکا سوئی وڈا؟’’

‘‘دونویں،’’

‘‘چھیکے جیہڑا سوئی چِھکو

کہ جیہڑا چِھکو سوئی چھیکے؟’’

‘‘دونویں،’’

‘‘دونویں دونویں کری آؤندے او

ہِک کرو تاں پتہ وی لگے’’

‘‘جیہڑیاں دونویں اوہا ہِکا

جیہڑیاں ہِکا اوہا دونویں’’

‘‘جیہڑیاں کہ جیہڑے’’

‘‘دونویں’’