آؤ بہو گھڑی
کوئی بات سُناؤ
کیہی؟
کوئی ویلا ہا آہی بجُھارت جاں بات
کھاون پیون وِچ ورتن وِچ آوندی ہئی
چِت چیت دا سیل کرا سانوں
ہوئی ورتی دے بھیت سجُھاوندی ہئی
جد دی چِیت دے نال پرناہی گئی
اُٹھن بہن ہُن وِچ اخبار ای اے
تصویر تقریر توں باہر نہیں آئی
چِیت صاحب تے آپ اشتہار ہوئے
اُردُو اچکن پجامے وِچ ہوون جد تائیں،
لا سُوٹ انگریزی جاں آوندے نیں
ایتھے دس کے ہور
اوتھے ہور ای کر وکھاوندے نیں