ناں رعد ایہدا
میرا رباب،
عشق اچنبھا ساڈا،
گج کڑک ہے ایہدی رگڑا،
تند اپنی نال گج ایہدی نُوں گز کر
راگ وجاونی آں،
کڑک نُوں کرک بناونی آں،
جس دم گھڑی اوہ باہوڑی
جیہدی اُڈیک پئی اندر تگدی اے چِرکالی
رگڑ طلب نہیں ایہنوں نہ مینوں رہنی،
کُل جگت دے رِزم رِزم نے
انہت ناد ہو وینا اے
رعد= گج، کڑک- رباب= ساز جیہڑا گز نال وجدا اے- (عربی رہریت وِچ رعد اِک عاشق دا ناں اے تے رباب اوہدی معشوق دا)- کَرک= 1) جوڑ وِچ پِیڑ دی ٹِیس، 2) سریر اُتے کِسے شے دے سرن دا احساس، 3) ترس، رحم، دُوجی دے دُکھ دا احساس-