''دُکّی یکّے بیگی گولے
اِک دُوجے دے اُپر تھلّے
اِک دُوجے نوں چکّے چلّے''
''چلّو جی تُسیں پتّا سٹو
پھیر سناونا بانیاں کِتے ویہلے ویلے''
''میں تے تاش کدیں نہیں کھیڈے
وقت اُجاڑن والی گل اے''
''وقت تے ہوندا ای کھیڈن لئی اے
نالے ایہہ کوئی کھیڈ تے نہیں نا
کھیڈو کھیڈو
پیسے لا کے کھیڈو ضد بضدّی
مُڑ ویکھیو آپے ای گل بندی
کوئی کِتاب جیوں پڑھدیاں پڑھدیاں
لگن جیہی کوئی لبھ جائے
سِر دھڑ وارن دا پج بن جائے رب سببّوں''