''مسافر کون کون اے بئی
تُہاڈے وِچوں؟''
''سارے ای آں، سنے تُہاڈے،
کیہڑا نہیں''
''گل ویہلے ویلے والی تُسیں پئے کردے او،
وقت نہیں،
میں ڈیوٹی تے آں،
گڈی کیہنے کیہنے چڑھنائے، ایہہ دسّو''،
''اسیں گڈی چڑھن نہیں آئے''
''کیوں بیٹھے او ایتھے، سٹیشن اے''
''چڑھیاں نُوں لاہون آئے آں''
''بس، میں تہانوں ای دسن آیاں
لائناں بند ہو گئیاں نیں،
اج گڈی کوئی نہیں آونی''،
''ایہہ ہُن بند ای رہسن،
جیہناں بند کدے نہیں ہونا
اساں اوہ لاونیاں نیں
آ جاؤ ساڈے نال تُسیں وی''
''سُکھالے تُسیں وی نہیں لگدے،
آواں تے کھاواں کِتھوں''
''اساں نہ منگ نہ کھوہ کھاونے آں،
جِتھے وی جائیے
بُھکھ1 لاون نال کاٹھ دی روٹی لاونے آں''
1 روٹی میری کاٹھ کی، لاون میری بُھکھ (فرید)
کاٹھ= کشٹ= محنت، گھال، پورھیا-