"پڑھو بھلا ایہہ پتھراں تے لکھیا کیہ اے"
"آپاں ان پڑھ ہوئے
گئے آں سکولے چار دیہاڑے
نیڑ نظر ہُن رہی کوئی نہیں"
"وعظ حکم ہے کائی چرکالا"
"کنجی متاں خزانے دی اے"
"لکھیا ہووے ای نہ
واء پانی دا لنگھدیاں دتا حال احوال ای نہ ہووے"
"قدم کسے ہستی دا نہ ہووے
لفظ نکل جائے ایویں بے ادبا
رہن دیو
لما پندھ جے ٹُرو رات پئی آؤندی جے"
"ساہ لؤ
سُنو
صورت پئی بولے:
"متھے لکھت نہیں
نہ نشاں نہیں موئیاں دے
اساں پتھر جیوندے جی ہاں
اکھیاں نوں تساں کیتا نقطے ہتھاں نوں فیتا لیکاں-،
سُن زیر زبر دا بھیت گیا
ہور تھیا سبھ زِویں زمانہ
جیہدی اُڈیک آہی
راہ جاندیاں رلی گھڑی اے"