دیس مینڈے وِچ ہِک پہاڑ اے
دیس مینڈے وِچ ہے ہِک نَیں وی
توڑ پہاڑ دے اپر رات چڑھیندی اے
لُڑھ بُھکھ رَل وِچ نَیں دے لمّے ویندی اے
آ تُوں اُٹھ ٹُر نال مینڈے،
کون نیں ایہہ جو پئے دُکھ جریندے نیں
پتہ نہیں
پر لگدائے لوک اساڈے ای نیں
جاپے خبرے مینوں واج مریندے نیں،
''اکھے آہو
دُکھی اَس لوک ساتِھیا
بُھکھ دُکھ سہندے سِیر کُھہا
دریا پہاڑ وچالے جیہڑے وسینے آں
گھول ہِکلیاں اساں تاں ناہیوں کرنا
تینوں پئے اُڈکینے آں''،
مینڈیا لاڈلیا
نِکیا جیہا کن کنک دیا
گھول گھنیرا جِیون اوکھیرا ہوسی
آ تُوں اُٹھ ٹُر نال مینڈے