لالی جِس ویلے اُڈدی رُکھ تے لہندی اے
چِٹے وچ بدامی، دونہاں وچ ہریا کیویں رَلدا اے
رَل کیہ بندا اے
ایہہ کاغذ تے کِیکن آئے
کِنج کوئی لِکھ واہے
( سینت رمز دی گل اسیں نہیں پئے کریندے )
ہاں فِلم تے بن سکدی اے
پر ویکھن لالی کیہڑے سِنمے جائے
کتھوں لَیپ ٹاپ انوائے
کیوں، پتہ نہیں لالی نوں؟، فلم جیہناں دی ہووے اوہناں کول نہیں رہندی
جیہڑا پیسہ لائے اوہ فلم نوں پَر وی لاوندائے
اوہ سنے اوہناں دے اُڈ اوہدے ہتھ جا بہندی اے