''کیہ بھڑتھو پیا ہویا جے
تھاں ویکھدِیو نہ ویلا
پیر پیر تے پُھٹ پُھٹ سر پئیاں کڈھدیاں ہو''
''توں تروَر
گڈ صدیاں دے ایتھے پیر کھلوتا
واء پانی دا دُھپ دا ٹھیکہ کول تیرے
مالکی جاء دی جدی پُشتی
اساں نمانیاں
دینہہ دو راتاں
رل رنگ کھیڈ کے
ہوند بے رنگ سما جانا
آ جاون ساڈا ٹُر جاون ہے
ٹُر جاون آ جانا
جیہڑی موہر تُوں ٹھوک دوالے
کھول چھتر پروار کَھلا ہیں
اوہا تیری باندھ نہ ہووے،
پل ویہل سرے
نیوں پُچھ ویکھیں کدے مِٹی نوں