‘‘بھأ چِر ہو گیائے ماسی سرگھی دی نہیوں سُنائی’’
‘‘سُن لؤ کل دی
لنگھدیاں آکھناں میں سرگھیئے
دُکھ شہر دے مُک نہ جان جے ہر کوئی حق حلال دی کھاوے
سینت نال مینوں کول بلا کے کہندی اے
‘‘چونکو چونک ٹریفک پھسی اے
جَپّھی تیری میری بے پرواہ ہوئی شپیا کھڑَپّیا
پَیندی رہندی اے
پتہ اے مینوں تیل تِلاں دا تینوں سُکھاوندائے
سُنیں کدیں تے وکھو وکھری او تِل تِل پِیڑ کہانی
اِکو ای کولھو بچہ گھان ای
کیتی آ دُکھاں دی مردم شماری؟
کِنی نیں اگوں ٹبرداری؟
منیا پُلس نال ہے تیرییاری
اِکو ماں ای، مَلّ اوہدا ناں اے
اِکو پیو اے، ناں دھگان ای
حسب نسب جے پھولیں
دُکھ حرامدا کدے نہیں ہویا
وسدے رہن دوئے حق نکاحے ماپے دُھر دے ہانی
جَوڑے کروڑاں پل پل جمی آوندے نی
کدے اِک نہیں مویا’’