لالی لال نہیں
شارک کال نہیں
دوئے کٹھیاں اُڈدیاں بَھوندیاں نیں
جاگو ہوکدیاں کِتھاں سوندیاں نیں،
کتیں چڑھے نوں ستویں رات ہے اج
ہُمس بھادریں دا آن واڑیو سو،
رات ڈَھلی تے جُھل ہنیرڑی پئی
جیویں وچھڑی چِریں کوئی آن مِلے
نَکل یاد دے جُھنڈ گھنیریڑے چوں،
سہجے ہُمس گیا
کنیاں موٹیاں وِرلیاں آن پئیاں
دے سیال سنیہڑا پرت گئیاں،
گُھل دُھپ چھایا دوئے ہک تھیاں،
لَوڈھے ویلڑے نال رُکھاں ہیٹھ لَتھّا
جَتھ لالیاں شارکاں ٹہیکیاں دا
دستر خَان وِچھیا ساکھاں مہکیاں دا،
لالی لال وی ہے
شارَک کال وی ہے