وڈیاں دی دس آہی
سُنگھو پھُل
پھَل کھاؤ
پتر ٹوہ ویکھو،
ٹوہے اساں تاں پتراں سَینتر کیتی
ذرا کن نیڑے کرو:
اساں ہِین مہِین سہی،
رنگ لگدے نیں باہر اساڈے
لالوں ہرے تے ہریوں پیلے
پِیلیوں بدامی کالے
وِچ بھئیاں دی نِرت اَنہَتّی،
اندر اساڈے ست سواد نیں
سَتِّیں سُگندھیں رَتّے،
پُجاون جڑھ سار پروار نُوں جِیُوکا واء دُھپ دا
ہویا اساڈا ہوون،
ون رَس واس اسانُوں جِبھاں بنیندے نیں،
کن کر ول اسانُوں
بول اساڈے ای
سبھ جُوناں نُوں سُنیندے نیں،
ایہہ ہُن سُننہاراں تے ہے
جے پل دو پل لئی اوہ وی پتر ہو ویکھن