فرید بھنڈار

وڈے افسر نیں

لاٹ صاحب دے دفتر1

کم جیہناں کول میں تے میرا گھر والا پئے کرنے آں

گُھٹنی آں پئی بیگم صاحب نُوں اِک شامِیں

تے مینوں پچُھیونیں

وڈکے تُہاڈے کیہڑیاں گھراں دی کر کے کھاندے آئے نیں

دِل تے کِیتا دساں ایہنوں

اساں اپنے اندر آپ کُھون2 نہیں دھری،

بھر3 جیہڑا بھروال4 چُوپدے آئے نیں

کُھون اساڈی

چِھلّڑ اوسے دا ای تے ہے،

پر خبرے کیوں میں

'کیہ پتہ مینوں بیبی' ، آکھ کے چُپ کر گئی

1- لاٹ صاحب دا دفتر= انگریزاں ویلے سِوَل سیکریٹرِیئٹ دا لوک ناں (لاٹ= لَورڈ، گورنر)-

2- کُھون= تُھڑ- 3- بھَر= بُہلتا، بہتات- 4- بھروال= بھر والے، سرمایہ دار-