ترُٹیاں پیالیاں چ پینا پانی
بھَجیاں رکابیاں چ کھانا
پَچ وَینا اوہ سہج سبھا ای،
سون1 بھانڈیاں وِچ جو آنا
نہ ہا آوندا ہاضمیاں وِچ پورا،
محل حویلے ہو ویہلے جاں تھئے عجائب خانے
سون بھانڈے کُجھ اوتھے عجائب ہو بیٹھے
کُجھ صرافہ بزاروں پِھر کے آ سُنیاریاں کول گئے،
آہندے نیں:
ہُن پے گہنے جاں کھاتے چڑھیساں سنگِھیاں نُوں
تاں ویکھیو
گُھٹ پانی وی اپنا کر جے لنگھا گئیاں
تاں ساڈا ناں وٹا دینا
1- سون= سونے دے-