فرید بھنڈار

جیہناں تینڈیاں ہتھاں پکایا کھا کے

نوکر کر تنخاہیا1 تینوں

اوہ وڈے سیانے ہوندے آئے،

کُرسیاں چَوڑیاں سَوڑیاں تے بہہ بہہ

اِکو ویلے پسمانے2 دھگانے3 ہوندے آئے،

تینوں اندروں رڑک متے ایہہ ہووے ای

کِیتا تینڈا کیہڑے لیکھے لگدا آیا اے،

پچُھدی ہوویں اپنے آپ نُوں کِسے ویلے

نی تتیئے ایہو کمایا ای؟

1- تنخاہیا= تنخواہ لا دِتی- 2- پسمانے= پسماون والے، (پسماون= آمادہ کرن، مناون، راضی کرن، خوشامد کر کے نرم کرن)- 3- دھگانے= زوراور (دھگان= زبردستی، ظُلم، وائلنس، دھکے شاہی)-