راتیں سُنیائے گڑا پیائے کِتے
میں سویٹر کوٹ تے مفلر
برفاں وِچ سکیٹنگ والی ٹوپی سِر تے
وَوک نکلیاں
اوہ دوئے اگے
چِٹیاں داڑِھیاں دھوتی کُڑتی
سِر صافے تے پیروں ننگے
جالی والی کُنالی ٹریک تے پھیری آون
“مِٹی چھان کے کیہ کرنی جے بابیو”
میں ہاسے بھانے کہندا لنگھیاں
اوہ مگرے مگر
جیویں اِکدُوجے نوں پئے سُناون
“کیا کریں بھائی بالک وارے چسکا پڑگیو”
“ہم نہ کریں سَن لِبڑے بُوٹاں کیا جاوے کوئی خانے کعبے”
“کِھسکیں اِسی پر صاحب بہادر متے نہ اُن کو کھاوے”
“گُنھ پکان ایہہ ہویو ہمرا
ہم نہ کریں اُن مِصری اہراماں ماں کِس کو کون سُلاوے”