سُنیائے نیویارک وِچ
جِتھے چھبوِیں گلی برَوڈوے نوں نُکّردی اے
روز شام اِک بندہ کھلوندائے شکھر سیالے
تے آئے گئے کنوں منگ لویندائے اوتھے بسترے
بے گھریاں لئی
منیا ایس گل نے دُنیا بدل نہیں دینی
واہ ورتن آپسی نہیں بھلیری تھینی
وارا دھرو دا مُکن تے نہیں آ جانا
اَیپر کُجھ جِیئاں نوں رات کٹن لئی جُلی تاں جُڑ ویسی
اِک رات لئی واءاوہناں کنوں پرے تاں رہسی
برف اوہناں دے بھا دی سڑکے پئی پَیسی
ایتنی پڑھ کے ٹھپ کتاب نہ دھریو بھلیو
منیا کُجھ جِیئاں نوں رات کٹن لئی جُلّی تاں جُڑ ویسی
اِک رات لئی واءاوہناں کنوں پرے تاں رہسی
برف اوہناں دے بھا دی سڑکے پئی پَیسی
ایپر ایس گل نے دُنیا بدل نہیں دینی
واہ ورتن آپسی نہیں بھلیری تھینی
وارا دھرو دا مُکن تے نہیں آ جانا