”مینڈا ڈھول مسِیتے گیا ہویا اے اج“
”وجّن کیتے؟“
”اچھا، مسِیتاں وِچ ہُن ڈھول وی وجّن لگ پئے نیں“
”تُساں آپے تے آکھیا اے“
”کیہ“
”مینڈا ڈھول1 مسِیتے گیا ہویا اے اج“
”ڈھول مینڈا تے کدے نہیں وجیا،
اوہ تے ڈھو2 اے اَڈھویاں 3 دی،
ہُل کھول جیہڑے جگ جنجال شناس
مندر مسِیتاں گُردوارے گِرجے
نینہہ دے گھر اگھر جان کے
گیاں اگِیاں 4 نُوں مِل مِل
تِھیندے نیں اندر باہر آل دوال“
1- ڈھول: محبوب- 2- ڈھو: آسرا- 3- اَڈھوئے: بے آسرا- 4- اگِیاں: ان گئیاں -