فرید بھنڈار

لوک بولی تے لوک ہِت دے سانگے1 دی

جیہڑی گُوڑھی سار اے تینوں

کیہ نہیں اوہنے تیرے کنوں2 کروایا،

سرکاری ہوئی بولی اپنی دا پلّہ چھڈ کے

تُوں خلق دی کُھسّی سُرت نُوں بَوہڑ3 سَرسایا4،

تھاپڑ5 اُساریا مُوہندے پئے لِکھیاراں نُوں

سجن6 اخبار کڈھایا،

سوکا ہاریاں7 ریتڑیاں چوں

اَڈّیاں نمانِیاں دا کڈھیا بھنجال8 رس

گُھٹیاں سنگھاں نُوں نِت چَھکایا9،

کرنی تیری اج جنی کھنی دے اندر ڈھل پئی سَردی اے10

1- سانگا= رشتہ- 2- کنوں= کولوں- 3- بَوہڑ= 1) دوبارہ آ کے، 2) مدد واسطے پہنچ کے-

4- سَرسایا= تازہ کِیتا- 5- تھاپڑ= تھپکی دے کے- 6- سجن= پنجابی دا پہلا اخبار-

7- سوکا ہارے= خُشک- 8- بھَنجال= سانجھ، برابری- 9- چَھکایا= پیایا-

10- سَردی اے= چلدی اے، ودھدی اے-