(آکھی ماسی سرگھی دی
شونکی تے اوہدیاں سنگیاں بول سنائی)
اکھیں جدوکیاں کُھلیاں
پڑدے پَیندے گئے،
پڑدے رنگ رنگ دے
مِلکھ ملُوکی سانبھ سوت لئی
ہوئے اَت ضروری،
چِھج ہونے جاں ادھورانے
اکھیاں نوں لوء اَڈِٹھ دی لاون تے آ جانے،
پئے پئے ای
گنڈھ رنگ اگلیاں نویں کرانے
پا نویں اوہ لہانے،
جِنی لمّی وی پڑدہ گیجھ ہوئے ایہناں نوں
لاہندیاں جَھٹ نہیں لاوندیاں
ایہہ بان اکھیں دی اگلے وساری بیٹھے آہے،
کمیریاں نین پراناں دی
وار پڑھائی ایسے پاروں نہیں جاندی
سکولاں کالجاں وِچ،
سو رات اچرج اوہ آئی
اکھیاں ہتھ کر گئیاں
صدیاں پوائے پڑدے
پَلو پل لہندے گئے