اسیں چام چِڑیاں اسیں شام کُڑیاں
کوئی ویلڑا ہا
دینہہ رات جدوں کدیں ہِک آہن
ونڈ وَیر نہ ہا رنگ میلڑا ہا
شِکرے پال کے اساں جوان کیتے
سانجھے لنگریں آپ پردھان کیتے
جُگ ورت گئے
قبضہ تھی گیا دینہاں تے شِکریاں دا
اَکھیں بند تدوکیاں کھولیاں نہیں
نویں چند سورج آئے پرت گئے
تدوں چُپ ہوئیاں دینہہ بولیاں نہیں
شام جاگ اساڈڑی سَرگھ سمّن
دینہہ رات نوں میل مُڑ ہِک کرنا
تھِیا دِین دھرم
لگی لوء لگن
ایہا مَر جیون ایہا کَر بھرنا